موضوع: جديد ألبوم مصطفى يوزباشي 2010 لعشاق الجودة الخرافية (ألبوم كامل) الأربعاء 21 أبريل - 6:35
كيفكون ياجماعة إن شاءالله الكل بخير................... اليوم معنا ألبوم كامل للفنان مصطفى يوزباشي 2010 . الألبوم في أغاني معروفة وفي أغاني بدكون تسمعوها لأول مرة . بس الجديد على كل المجالات الدقة خرافية وتسجيل صوت مصطفى واضح وعلى كيفكون : الأغاني: 1- من قلبي قادر شيلك : أغنية يوزباشية بإمتياز , لحن بسيط ورائع بنفس الوقت إحساس عالي بالأداء شأنها مثل شأن أغلبية أغاني مصطفى يوزباشي ,التوزيع الموسيقي موفق جدا من مصطفى يوزباشي وأحلى مافي الأغنية الخلفيات الموسيقية الناعمة المتعودين عليها من مصطفى. 2- مابقيلي منك : أغنية منعرفها كلياتنا بس هالتوزيع رائع رائع وعلى كفالتي .وإسمعو ا المقطع الثاني وإسمعو الساكسفون مع الخلفيات الحقيقة توزيع موفق من مصطفى يوزباشي والأداء لاتعليق (كمان الأغنية سلو) وبدها تعجب الشباب كتيييييييير. 3- من زمان : هي بالأساس من أغاني مصطفى الرائعة والتوزيع الجديد منها عاطيها باور كتير حلو , ومصطفى موزع الأغنية على اساس إنها حفلة فصوت الجمهور عاطيها روح جديدة .نصيحة لوجه الله إسمعو نهاية الأغنية فيها حركه كتير حلوة عالدرامز طبعا مع الكيتار. 4- كنتي تمري قبالي: أغنية قديمة جدا نزلت بألبوم نام ياقبلي ولكن التوزيع الجديد توزيع ناعم .ومصطفى محافظ على روح الأغنية القديمة وموزعها بآلات جديدة بس نفس الشكل القديم .وإسمعو الكورس بالأغنية نفسو صوت مصطفى إسلوب يعتمد عليه كثيرا(عمرو دياب ومن بعده تامر حسني نجم الجيل الجديد) ببساطة الأغنية تسمع وتسمع . 5- لو قلتلك إنتي قمري: أغنية نزلت بألبوم ياقمر سلم إللي كان فيه اغنية بعدك قلبي وناطر الأيام , كلام الغنية أكتر من حلو وفيه معاتبة ورجاء من الحبيب .أغنية تستحق السماع ولكن أقل شانا من غيرها من الأغاني ,بس موضوعها بيجعل منها أغنية مطلوبة وخاصة إنو البنات (الله يسامحون دائما ملوعين الشباب) ناطر الأيام: أغنية تؤرخ للفنان مصطفى يوزباشي أنه أول من قدم هاللون بهالشكل الرومانسي والمعاصر .التوزيع تحفة الحقيقة ومافي داعي نحكي عن هالغنية لإنهامابدها شرح .
كلمة منك : أوه من هاالاغنية متل مابيقولو إخوانا المصريين جامدة مووووت كلام نار (كلمة منك شعلتلي النار جوه قلبي وحرقت الدمعات لو كان في بيني وبينك تار ماكنت بتجرح فؤادي وتأسى بالكلمات) الأغنية سلو وكتير تقيلة توزيع موفق جدا ,أداء مصطفى بيجنن وإنتبهوا على الإيفيكت إللي على صوت مصطفى ياريت يستخدموا دائما .صولو الكيتار بديع بل رائع الإيقاع لاتعليق لأنو مصطفى من احسن من إستخدم هالإيقاع بأغاني السلو ميوزيك .من أجمل الأغاني بصراحة
تعالي نتمشى : حالة غنائية مميزة ,يعني الأغنية كلياتها قصة ومصورها مصطفى بشكل ولا اروع .التوزريع ناعم ومميز وخاصة البيانو المصاحب للأغنية وصوت الغيتار بالصولو تبع الأغنية حلو وغريب على اغاني مصطفى
سود عيونك : أول اغنية غناها مصطفى بحياتو .أغنية تانجو تحفة وبهالتوزيع رح تتفاجؤوا كيف صارت كمان متل مابقيلي منك وكلمة منك توزيع ولا اروع وخاصة الخاتمة الموسيقة.
أمان الحب: أغنية بيعرفها الكل نزلت بألبوم نام ياقلبي تبع الأنامل السحرية .كمان مصطفى محافظ على روح الأغنية ومقدها بشكل جديد .الأغنية بالأساس كتير حلوة ,وتزيعا بسيط ومعبر.
بس بالنهاية منتمنى من مصطفى يسجل صوت الكمانجات لايف لإنو ا بيعطو للأغنية ستايل أحلى وواقعية اكتر وإحترافية أكتر وبيوصلةو للناس أحلى حرام. بتمنى الأغاني يعجبوكون لإنو بتستاهلوا. وسلامي لأحلى ايمن (صافيتا ) حبيب قلبي إنت كتير كبير ومزوق وعم تخجلني دائما . وتحياتي لعراب الموقع جوني الغالي ملك الزوء والمجهود الخرافي
موضوع: رد: جديد ألبوم مصطفى يوزباشي 2010 لعشاق الجودة الخرافية (ألبوم كامل) الجمعة 23 أبريل - 5:26
الله يسلم ايديك يا غاااااالي و الله يعطيك الف عافيه على تعبك معنااا و الله لا يحرمنا منك يا ملك و عنجد يسلموووو كتير على المجهووود الرااااااااااااااائع
و الألبوم حلووو كتير و توزيع الاغاني كماااان شي رائع
بس كنت بتمنى لو عاد تسجيل اغنية الضباب
الف تحيه الك يا معلم احمد على دعمك للمنتدى
و بتمنى الألبوم يعجب الكل
بس الحمد لله من بعد طول انتضار وصلنااا السيدي الجديد و صار بلمنتدى
و يسلمو يا غالي على زوئك العالي والله يعطيك الف عافية ع تعبك
موضوع: رد: جديد ألبوم مصطفى يوزباشي 2010 لعشاق الجودة الخرافية (ألبوم كامل) الجمعة 23 أبريل - 7:29
الشي الوحيد اللي ممكن قوله لكل اعضاء منتدى الفنان مصطفى يوزباشي انه عنا بالمنتدى اشخاص مثلهم مثل مصطفى يوزباشي ويمكن اكتر بالاهمية اشخاص اجتهدوا وتعبوا حتى يصير المنتدى من اروع المنتديات على النت واشخاص ساهموا بأنتشار أغاني الفنان مصطفى يوزباشي لأبعد حدود مافيني قول غير شكرا والف شكر احمد الغالي على المجهود المتميز والخارق متل ما عودتنا يا فنان يا بروفسور وشكرا والف شكر يا جوني يا حبيب الكل على هالتصميم الرائع للألبوم والتنسيق المتكامل بالموضوع وعلى مجهودك المتميز ياغالي تحياتي مني شخصيا انا ايمن لأحلى واغلى شخصين جوني واحمد وشكرا
موضوع: رد: جديد ألبوم مصطفى يوزباشي 2010 لعشاق الجودة الخرافية (ألبوم كامل) الجمعة 23 أبريل - 17:34
من بعد ما سمعت الألبوم كامل يا أبو حميد حبيت قلك انه تحليلك للأغاني كان صح مية بالمية بس الأغاني كان ناقصها كمنجات بس عندي تعليق على أغنية مابقيلي منك بالفعل توزيعها رائع وخلفية الساكس فيها حلوة كتير بس كان لازم مصطفى يضل محافظ على روح الكيتار بالاغنية ومايبدله بالاورغ بصوت كيتار واكيد فهمت عليي يا احمد وكمان فيه شغلة تانية متل ماقال جوني يا ريت لو ضاف اغنية الضباب بتوزيع جديد لأنه هالأغنية بالفعل حرام ما تعيش و أكيد بشكرك يا احلى حميد الشاعري وبس يا غالي وانشاالله بنلتقي عن قريب