الحقيقة ولا للتعتيم والحذف---حقيقة مصطفى يوزباشي

الحقيقة انه حساس بفنه واغانيه ولكنه دكتاتوري في بيته ومع اهله واصدقاءه وفرقته الموسيقية ومن ماذا سحقت الانامل السحرية؟؟؟؟؟
انا الارشيف وقصص اليوزباشي عندي في قساوته في معاملته مع الناس الاقرب منه ارجو عدم الحذف
منذ ولادته وللان حقيقته عندي ومذكراته ويومياته انتم نائمون عن حقيقة هذا الرجل تصوروا ان علاقته بأخويه منقطعة الكبير فريد والصغير الذي يقول انه رباه كأباه منذ سنوات طويلة لا يقول له مرحبا وأذكر ان هذا الاخير كان معه بالفرقة الموسيقيه في أيام عز جول جمال ومع ذلك غير متفقين ولكن أعرف أن المشكلة من من أسميتو ا المنتدى بأسمه على العموم ان لم تحذفو عضويتي سأكتب مذكرات اليوزباشي لكم وان حذفتموها سأكتبها في منتدى أخر وشكرا-----الارشيف

بالعكس جوني هادا شخص أقل مايقال عنو غيور من تفاعل الأعضاء وحبنا لمصطفى أولا ولبعضنا وتفاعلنا مع بعضنا ثانيا بتمنى هالشخص مايكون الو تواجد معنا لانو أصغر بكتيييييييييير من انو يحكي عملك الاحساس مصطفى يوزباشي

تصديقاً ع حكيك ياصاحب الموضوع..انا السبت الماضي حضرت حفلة لمصطفى بطرطوس بالمنشية تحديداً..واللي كان كان عم يعزف ع الاورغ هوي اخوه...بعدين بالنهاية نحنا مابدنا نجوزو ستنا .. نحنا واصلنا احساسو وكلماتو..

أخي الأرشيف مشكور لتواجدك معنا اولا

أما بعد يشرفنا معرفة تاريخ ومذكرات مصطفى يوزباشي الفنية اما عن علاقاته الشخصية فأريد ان أنوه للعضو الجديد الأرشيف بأن للفنان مزاجية خاصة جدا وما يدركه الفنان بمشاعره لا يدركه غيره ممن هم حوله وعموما أتمنى ان توجه آرائك للفنان مصطفى نفسه ولا داعي لتشويه السمعة وأرجو ان يكون لديك الشجاعة والمقدرة لكي تعرف عن نفسك بأسمك الحقيقي ويا أهلا وسهلا بك وبمشاركاتك

شكرا اولا لتواجد الارشيف العضو الجديد معنا و نحنا منرحب بكل الاعضاء تاني شي و الاهم مع احترامي للارشيف انه الفنان مصطفى يوزباشي بعواطفه و رومانسيته و احساسه العالي جداا ما ممكن ابدااا يصدر عنه هيك شي ...
ما ممكن هالاحساس الدافىء و الرقه و الحب كله اللي نابع من القلب يكون بهالقسوة .. ...
و ما النا دخل بحياته الشخصيه اللي انا ما بعرفه شخصيا بس انا متاكده انه راقي و يفوق كل وصف و تشويه السمعه هالشي ما بنسمح فيه ابداااا مع احترامي للاداره ..
انا بشكر همام و مهراني اللي دائما متالقين جداا بتعليقاتهم المميزة ...
و في الاخر كل الحب و التقدير للملك الرومانسية و الحب مصطفى يوزباشي و بحب اوجه اغنيه اله من اغانيه
لا تسمع كلام الناس .. ( ابداا ) كل المحبه و التقدير نيفين

مرحبا فيكم جمعيا انا بس بدي رد ع الأخ أرشيف لي قاعد عم يحكي بحب قلك يا اخ ارشيف انا بنت اختو للفنان مصطفى يوزباشي وبحب قلك انو خالو شخصية طيبة كتير ومن وين جبت هل الكلام عنو انو هو ديكتاوري بالبيت بل ع العكس نحنا كلنا منحبو وهو لي مجعنا عالطول واذا كان في خلافات بينو وبين اخواتو كل بيت بيصير فيه مشاكل هيدا الشي ما بيحقلك تحكي عنو بي هالطريقة وانا أسفة كتير من الجميع بس بصراحة ما قدرت شوف هالكلام واسكت مو لأنو خالي وبس لأنو بالفعل مصطفى يوزباشي شخصية عظيمة وقدورة كبيرة النا الله يحميه ويخليه فورق راسنا

واكيد انت واحد غيور حتى عم تحكي عنو هيك لو مو مقهور ما كنت حكيت هيك وبرجع بعتذر من الادارة بس عنجد احترق دمي لما شفت هالكلام

مرحبا للجدميع
أنا اسمي مراد من اللاذقية انا بعرف الفنان مصطفى اكتر من 25 سنة يعني كنت صف سابع وبموت برومانسيتو واحساسو بلبداية كنت بعرفوا صوت واحساس من كتر متابعتي لحفلاتو شائت الظروف وتعرفت عليه شخصيا بشكر ربي انو ماخاب ظني بها الانسان انسان رائع كل واحد فينا بحاجة الناس اللي بتفهموا وانا فهمت مصطفى منيح مصطفى اكتر شخص بشوفوا بحياتي بيود وبيحترم المخلصين يعني بعد غياب بيني وبينو دام شي عشرين سنة حاكيتو تلفون رد بكل محبة ومودة وتذكرني لانو انسان بريئ وصادق ومابينسى الناس اللي بيحبوا احيانا بعمل مقارنة بينو وبين فنانين من جيلو بشوف الفرق مابظن في فنان بالعالم بتواضعو ومحبتو للناس مثلا عمرو دياب او حتى اي فنان بيخطر عابالكون بظن اكتر من حلم لأي شخص بسيط انو يحكي معوا اويلتقي معو او يستقبلو ويهتم فيه متل مصطفى فكيف انو يستقبلوا با لاستوديو عندو بالبيت ويسمعوا اغاني وياخد رأيو بالاغاني قمة في التواضع والإنسانية وبعدين اهم جانب أو صفة بالإنسان موجودة فيه هو الكرم والعطاء مابيتوانا لحظة انو يشارك الناس البسيطين والمخلصين بفرحتون وبيشارك بكل انسانية وبدون مقابل اكتر من هيك صفات شو بدنايكون بالفنان
بالنهاية مصطفى هلأ بالإمارات بدعي لربي يوفقو ويحميه ويسير امرو ويرجعلنا بالسلامة لانو محبينو الصادقين اشتاقولو واشتاقو للقائو وسماع حكياتو الظراف وبفتخر إني واحد من الناس المحبين لمصطفى واللاذقية بلا مصطفى يوز باشي مافيها بحر ومافيها صيف ولا سما صافية وأهم من هيك مافيها فن ولا رومانسية ولا إحساس ولا كلام صادق   

شو بدي جوزو اختي انا ؟؟
انا عم بسمع لأغانيه وفنه وبالنسبة لحياتو الخاصة هو حر يصطفل