موضوع: قصـة شــاب مـمــيــز [جـونــي] الإثنين 1 فبراير - 2:37
قصة شاب مميــز
شاب عشريني يغادر معشوقته اللاذقيه الى بلاد الغربه، يتعذب لفراقها و يشعر بمرارة عميقة لمغادرتها، فيصطحبه صديق عمره والمقرب جدا اليه، يصطحبه الى المطار ليقوم بتوديعه و ويهديه تذكارا ليخلد حنينه الى بلاده، فاذا بالتذكار اسطوانه موسيقية لابن اللاذقية مصطفى يوزباشي ؛ يستمع الى ذاك الصوت الشجن بكل ما فيه من سحر وحنان ، فيغرق في بــــحر من الاشواق يحمله الى امواج اللاذقيه وسنوات الطفوله البريئه؛ ينتفض حنينا ويقرر انشاء منارة تستقطب سفن المحبين من جميع انحاء العالم لترسوا سفــنهم تـلك في ميناء الحـــب والهــيام ، مينـــاء مصطفى يوزباشي . يجتهد يوما يعد يوم ويقضي الليالي ساهرا منهمكا ليبصر هذا المنتدى النـــور.
فهل عرفـــتم مــن هو ذاك الشــــــــــــاب ؟ ؟ ؟
نـــــعم جـــــوني
جوني من انشأ هذا الموقع المميز ورعاه وسهر عليه وعمل على انجاحه ولم يكّل يوما واعطاه من وقته وجهده حتى على حساب نفسه ودراسته ، وقام باستقطاب الاعضاء وتشجيعهم حتى اصبح منتدى معتمد مميز قدوة للمنتديات الاخرى.
لذا وجب علينا تكريمه وتقديره فشكرا لك يا جوني على كل مابذلته وتبذله يوم بعد يوم ، فانت تستحق الكثير والكثير من التقدير، نحن حقا ممتنون لك على كل ما فعلته لانجاح هذا المنتدى الراقي والذي يمثل ملـك الـقـلوب مصطفى يوزباشي والذي هو كل ما تبقى لنا من الـــــزمن الجــمــيل . . .
جوني لك مني تحيه محبه وامتنان ، و كل الشكر والتقدير
عاشقة اليوزباشي ما بعرف شو بدي احكي من بعد كلامك الرائع عنجد بشكرك كتير و خجلتيني كتير و ما عم بعرف شو بدي اكتبلك و كيف بدي اوصفلك احساسي ميرسي الك كتير و بشكرك على كلامك
انا بعرف انو تعت كتير لحتى وصلت لهل مرحله يعني سنتين من التعب و السهر مو قليله أبدا بس الحمد لله بلهايه قدرت وصل للي بدي هوا كان هدفي لما عملت المنتدى انو وصل اغاني مصطفى يوزباشي لكل العالم و انشرها عن طريق الانترنيت لان بصراحه انا كنت على طول ببحث على النت عن اغاني اليوزباشي و ما كنت شوف شي أبدا و انا كان عندي السيدي و كل الاغاني . اكتر العالم كانت بتعرف اغنية لما بسمع صوتك او اشتقت لعيونك بس مع الاسف ما كان حدا بيعرف مين بيغنيها ولا بيعرفولو اغاني تانية بس عن طريق هيدا المنتدى العالم عرفت مين هوا مصطفى يوزباشي و صارت تسمع كل اغانيه وتحب كل اغاني اليوزباشي تتابع كل جديد من اعمال و اخبار وصور و فديوهات. و بعدين فتحت قناة بليوتوب و نزلت شي 60 فيديو و هيدا من اشهر المواقع العالميه و كل فديو المشاهده الو اكتر من الف مشاهد كمان هيدا رقم ما سهل و عملت ايميل بأسم الفنان مصطفى مشان اقدر نزل الاغاني على المنتديات العربيه و السوريه و اقدر شارك بالمواقع .... و بعدها قلت ليش ما بجمع كل عشاق مصطفى يوزباشي بمنتدى واحد و كلنا نساعد بعض مشان نوصل اغاني مصطفى لكل العالم و الحمد لله هيدا الشي صار المنتدى و احصائيات المنتدى كتير منيحه يعني 1495 عضو رقم ما سهل الحمد لله كمان شفت تشجيع من الكل و الكل شاركو معي و لو لا ما انتو ما كان المنتدى ناجح
و بدي قول شغله يمكن ما كتير بيعرفوها
(انا بحياتي ما شفت مصطفى يوزباشي ولا بعرفو ولا حضرتلو حفلة ولا عندي اتصال معو ولا هوا بيعرفني ولا وصلني اي دعم او اتصال من الفنان مصطفى بس حبيت اعمل هيدا الشي اهداء الى اللاذقية الحبيبه و عشاق اليوزباشي)
بشكرك مره تانية يا عاشقة اليوزباشي على المبادره الطيبه و الله يوفقك و يطول بعمرك و لا يحرمنا منك وبحب اشكر كل اعضاء المنتدى دووون استثناء شباب وصبايااا واعضاء ومشرفين و كل من ساعدني في نجاح المنتدى بشكركون من كل قلبي على المجهود الكبير
تحياتي لأحلى عالم و اروع رفقات
اخــوكـــم/جـــونــــي
عدل سابقا من قبل JouNy في الثلاثاء 2 مارس - 6:04 عدل 1 مرات
ولـــو يا جونـي، هيدا اقل شي ممكن اقدمه الك بتستاهل اكتـــر بكتيـــــر ؛ الك كل التقدير والاحترام والله يحميك ويخليك النا و يخلي هالمنتدى الرائــــــع منـــاره لكل عشـــاق ملك القلوب مصطفى يوزباشي
موضوع: شكرا عاشقة مصطفى يوزباشي الخميس 4 مارس - 0:17
بالفعل جوني بيستاهل كل الإحترام والمحبة من الجميع ...........لما قدم ويقدم لمنتدى الفنان مصطفى يوزباشي ولمحبيه . اللذي أصبح هذا المنتدى بالنسبة لهم يقدم وجبة دسمة من جميع الاغاني الحصرية الجديدة والقديمة وحفلات مصورة وصور وأخبار لمصطفى يوزباشي وكلها ناتجة عن مجهودات فردية .......عن جد برافو جوني والله يعطيك على قد محبتك وإخلاصك للعمل إللي عم تقوم فيه . ولكن هناك نقطة سلبية نضعها في ملعب الفنان مصطفى يوزباشي وهي:معقول لم يتصل مع جوني أي إتصال هاتفي أو حتى عن طريق الإنترنيت .من أجل النهوض بهذا المنتدى اللذي يمثل واجهة للفنان مصطفى أمام جميع سكان الكرة الأرضية .أي هذا الموقع هو سيفي CV لمصطفى يوزباشي أمام جميع جمهوره في كل مكان في العالم. وخاصة أن مصطفى بإستطاعته أن يدعم الموقع بأكثر من طريقة .ولكن ؟؟؟؟ في النهاية نتمنى من الفنان مصطفى يوزباشي أن يزيد من نشاطه أكثر لان جمهوره (بيستاهل شوية إهتمام). وبالنهاية جوني مشكوووووور جدا على عمله بالنهوض يهذا المنتدى بدون أي مقابل وهو لايريد أكثر من كلمة شكرا...وهذا مالمسته من كلام الغالي جوني. وجوني ياجماعة بعيد عن كل هذه الأمور :هوه إنسان متربي صح وشبعان وكتــــــــــــــير مزوء ومحترم مع إنو بالسويد بس دائما بيحكي معي أنا شخصيا لمايكون في مناسبة أو عندو وقت .ولما تقابلنا سوا بسوريا شفت الحب بعيونو والتصميم إنو يساوي شي لمصطفى يوزباشي. آسف على الإطالة وشكرا كتـــــــــــــــــــير.
بالفعل جوني بيستاهل كل الإحترام والمحبة من الجميع ...........لما قدم ويقدم لمنتدى الفنان مصطفى يوزباشي ولمحبيه . اللذي أصبح هذا المنتدى بالنسبة لهم يقدم وجبة دسمة من جميع الاغاني الحصرية الجديدة والقديمة وحفلات مصورة وصور وأخبار لمصطفى يوزباشي وكلها ناتجة عن مجهودات فردية .......عن جد برافو جوني والله يعطيك على قد محبتك وإخلاصك للعمل إللي عم تقوم فيه . ولكن هناك نقطة سلبية نضعها في ملعب الفنان مصطفى يوزباشي وهي:معقول لم يتصل مع جوني أي إتصال هاتفي أو حتى عن طريق الإنترنيت .من أجل النهوض بهذا المنتدى اللذي يمثل واجهة للفنان مصطفى أمام جميع سكان الكرة الأرضية .أي هذا الموقع هو سيفي CV لمصطفى يوزباشي أمام جميع جمهوره في كل مكان في العالم. وخاصة أن مصطفى بإستطاعته أن يدعم الموقع بأكثر من طريقة .ولكن ؟؟؟؟ في النهاية نتمنى من الفنان مصطفى يوزباشي أن يزيد من نشاطه أكثر لان جمهوره (بيستاهل شوية إهتمام). وبالنهاية جوني مشكوووووور جدا على عمله بالنهوض يهذا المنتدى بدون أي مقابل وهو لايريد أكثر من كلمة شكرا...وهذا مالمسته من كلام الغالي جوني. وجوني ياجماعة بعيد عن كل هذه الأمور :هوه إنسان متربي صح وشبعان وكتــــــــــــــير مزوء ومحترم مع إنو بالسويد بس دائما بيحكي معي أنا شخصيا لمايكون في مناسبة أو عندو وقت .ولما تقابلنا سوا بسوريا شفت الحب بعيونو والتصميم إنو يساوي شي لمصطفى يوزباشي. آسف على الإطالة وشكرا كتـــــــــــــــــــير.
ابووو حميد الغااااااالي عم قول ليش المنتدى و الموضوع منورين اكيد منور بوجودك . بشكرك على المشاركه و بشكرك على سؤالك .. و بصراحه ابدا ما كان في اتصال بيني و بين الفنان مصطفى يوزباشي من يوم اللي فتحت المنتدى و لهلاء ...... بس من قبل شهر انا بادرت و اتصلت مع الفنان مصطفى يوزباشي و حكيت معو مشان المقابله اللي كانت بلمنتدى و بعدا ما صار اي اتصال تاني مع انو رقمي موجود عند الكل .....و معك حق يا ابو حميد الفنان مصطفى يوزباشي كان بيقدر يدعم المنتدى باكتر من طريقه يعني بيقدر يحط اغاني بلمنتدى او اخبار او صور حصريه بس للمنتدى او يكون معنا و يشوف شو عم بيصير معنا و يشارك مع اعضاء بلمنتدى بس للأسف ما شفنا اي دعم من الفنان مصطفى يوزباشي .... كان قبل هدفي وصل المنتدى للقمه و خلي كل العالم تعرف منتدانا و على فكره منتدانا قبل سنة كان التاني على منتديات الموسيقى بلسيرفر شبكة للمنتدى ------------------------------------- و بشكرك كتير يا غالي على المساعده انت اكتر واحد وقف معي لولا انت ما كان سمعنا هي الاغاني ولا الاغاني الحصريه ولا شفنا هي الفديوهات .. عنجد بشكرك كتير يا ملك على المساعده و مساعدتك للمنتدى و انا بتشرف فيك والله
اول شي بحب قول لعاشقة مصطفى يوزباشي كل الشكر وتقدير لأنك اعطيتينا فرصة لنحكي ونعبر ولو بجزء بسيط عن كل الاحترام لجوني الغالي جوني يا جماعة انسان تعرفت عليه بالصدفة كنت متله عم دور على شي يوصلني للفنان مصطفى يوزباشي إن كان بأغاني أو فيديو أو أي شي وبالصدفة اكتشفت انه فيه منتدي جديد للفنان مصطفى يوزباشي وكان التعارف بيني وبين جوني عن طريق المنتدى وبحب قله لجوني بتتذكر يا ابو الجوج كام واحد كنا بالمنتدى كنا عدد قليل كتير وهلأ صار ماشاء الله عدد بنفتخر فيه من الاعضاء والمحبين للفنان مصطفى يوزباشي وهادا كله بجهودك يا أبو الجوج الغالي والله مايحرمنا من دعمك على طول أنا عايش ب دبي صرلي عشر سنين بحياتي ماحسيت بشخص مرهف وعالي الاحساس متلك يا جوني وبحب قول شغلة تانية لكل واحد بيعرف الفنان مصطفى معرفة شخصية يوجهله رسالة انه المنتدى منتداك والاعضاء محبينك وحبايبك طل علينا ولا تحرمنا منك ولو بكلمة منك كل شهر (كلمة منك شعلتلي النار جوا قلبي وحرقت الدمعات)
اول شي بحب قول لعاشقة مصطفى يوزباشي كل الشكر وتقدير لأنك اعطيتينا فرصة لنحكي ونعبر ولو بجزء بسيط عن كل الاحترام لجوني الغالي جوني يا جماعة انسان تعرفت عليه بالصدفة كنت متله عم دور على شي يوصلني للفنان مصطفى يوزباشي إن كان بأغاني أو فيديو أو أي شي وبالصدفة اكتشفت انه فيه منتدي جديد للفنان مصطفى يوزباشي وكان التعارف بيني وبين جوني عن طريق المنتدى وبحب قله لجوني بتتذكر يا ابو الجوج كام واحد كنا بالمنتدى كنا عدد قليل كتير وهلأ صار ماشاء الله عدد بنفتخر فيه من الاعضاء والمحبين للفنان مصطفى يوزباشي وهادا كله بجهودك يا أبو الجوج الغالي والله مايحرمنا من دعمك على طول أنا عايش ب دبي صرلي عشر سنين بحياتي ماحسيت بشخص مرهف وعالي الاحساس متلك يا جوني وبحب قول شغلة تانية لكل واحد بيعرف الفنان مصطفى معرفة شخصية يوجهله رسالة انه المنتدى منتداك والاعضاء محبينك وحبايبك طل علينا ولا تحرمنا منك ولو بكلمة منك كل شهر (كلمة منك شعلتلي النار جوا قلبي وحرقت الدمعات)
اخوووووووووي صافيتااااااا بشكرك من كل قلبي على كلامك و على مشاعرك عنجد انت أنسان رائع و انت من مؤسسين هيدا المنتدى و اكيد بتذكر أول ايام المنتدى كنا انا و انت و كرم و ابو حميد و احمد جوني و تشريني و ضلينا نشتغل و تتعب لحتى صار عنا منتدى بتفخر فيه و انا بفتخر بمعرفتك و بصداقتك اخوي ايمن و بتمنالك التوفيق بحياتك و الله لا يحرمنا منك ياغالي بشكرك مره تانيه على كل شي عملتووو مشان المنتدى و عنجد كلمة شكر ما بتكفي لتعطيكي حقك بقدم اجمل تحياتي الك و لأعضاء منتداناااا الغالي
أول شي بحب قدّم تحية كبيرة لكل الصبايا والشباب أعضاء المنتدى وعلى رأسهون الأخ جوني اللي قدم شي كل عشاق يوزباشي ما قدرو يقدموه وتعب كتير مشان نقدر نحنا عشاق اليوزباشي والبحر نتواصل ونتبادل الآراء والأفكار من خلال هالمنتدى الجميل وطبعاً التحية الأكبر لإبن البحر والصوت المخملي والأسطورة السورية بامتياز الفنان الكبير مصطفى يوزباشي . أنا من الجولان المحتل وعايش بالشام , عرفت مصطفى يوزباشي وعشقت أغانيه من 11 سنة وكل ما فكرت بالموج على شط اللادئية واتذكرت ريحة الهوى البحري المعطرة بالحب , بيلوح طيف اليوزباشي ببالي وبسمع ترنيمة سماوية عم تغني لصبية حلوة وتئللا (تعالي نتمشى صوب البحر بليلة أمر ... أبل المسا ما ينسرئ) . يمكن يكون ابن اللادئية وحمص أقرب من غيرو لليوزباشي وأغانيه وحفلاتو الرائعة , ولكن هون بالشام كمان في كتير ناس بتعشق صوت مصطفى الرائع وألحان موسيقى الروك اللي بيعزفها وبيألفها والكلمات العذبة اللي بيكتبها واللي بتتميز بإنها سورية بامتياز (لا مصرية ولا لبنانية) وحافظين أغاني اليوزباشي حرف حرف وعاشت معنا أجمل لحظات الحب والشوق والفراق وكل الحالات العاطفية والانسانية التي لا تنسى . حبيت علق تعليق بسيط رداً على ما نشره الأخ حميد الشاعري حول عدم تواصل مصطفى يوزباشي مع المنتدى ومع السيد جوني المحترم بالخصوص . أنا بعتقد انو مصطفى يوزباشي شخص لا يبحث عن الشهرة والنجومية ويتمتع بحس العفوية والطيبة والتواضع مع اني لم ألتقي فيه شخصياً ولا مرة بس بحس اني بعرفو أكتر ما أعرف حالي . يمكن يكون مانو من رواد الانترنت والمنتديات الافتراضية !! يمكن ما يخطر ببالو انو ممكن يقدر يرفد المنتدى بشي من أغانيه أو صوره النادرة مثلاً ولكن أنا متأكد انو ما رح يبخل على معجبين وعشاق اليوزباشي المزوئين والسمّيعة بأي شي لو طلبوه لأنو هالإنسان هو كنز سوري بكل ما للكلمة من معنى . وهو أحد ضحايا نقابة الفنانين الكثر بسوريا على ما أعتقد . وبتمنى من كل شب أو صبية بيقرأ هالمدونة يكون متأكد انو مصطفى يوزباشي بعيد عن التكبر وشوفة الحال وبيتعامل مع معجبيه متل الأخوة والأصدقاء لأنو قلبو صافي متل مية البحر ومتل لون السما . آسف عالإطالة بس لما الحديث بيكون عن اليوزباشي ما بتسكت الكلمة ولا بيخلص الحكي .. مع حبي للكل ... أخوكون خالد